hola

  يا هلا و 100 هلا 

    آنــــي ياســـمين بديت وياكم من 10 أيام بتحدي الــ 29 يوم ويه مرتضى التميمي و رجعت أدرب نفســـــي عـلى الرســــــم و عندي نيـــة أوصــل للأحترافية . هــــــدفي بخلال الـــ 29 يوم أعبر مرحلة المبتدئين بالرســـم وأوصـل لمرحلة تكون جيدة .

خلال هذهِ الــ 10 أيام بالتحدي شفت بنفسي تقـــدم من ناحية ســرعتي بالرسم بـ ( out line ) وتحســـــــن ملحوظ بالتظليل . 

بهالأثناء تابعت هــــواية فيديوهات عن الرســـــم للمبتدئين و شلون نحســــن و نرفع من مستوى رسوماتنا مثل هذهِ الفيديوهات  .

 وتعلمت شنو الأدوات و عُدة الرسم المطلوبة لكل رسمة وشلون أستفاد منها . وتعلمت همين شلون أكدر أرســـــــــم بجودة عــالية وبأبسط وأقل الأدوات وإلي أحتاجه فقط التركيز على خفة إيدي بالرســـــــم .

أول أيـــام التحدي جانت أوقـــات تدريبي بحــدود الساعتين ومن ضمنها أتفرج فيديوهات تعليمية وبعدهـــــــا تطبيق . وبعدها زادت إلى 4-5 ساعات باليوم تدربت بالرسم إلى درجة إيدي كامت توجعني 😅 .

آني كلش راضية عن نفسي بهذا التقدم بالمعلومات عن الرسم والتدريب  . وإلي تعلمته من خلال هالتحدي أنه آني أكدر أوصل وأحقق أي هدف أريده مدام عندي عزيمـة وأصــرار ونية خالصة  ( وطبعاً كلنا قادرين نحقق أي هدف ) .

     سعيدة لأن دألاحظ تطوري بالرسم ، وبعد أن تابعت مدونات بعض المشاركين وشفت شكد أكو أشخاص عدهم وعي ويحاولون يطورون من نفسهم  

وختامـــــاً أحب أكوللكم أن خطتي ثابتة عليها وهي زيادة ساعات التمرين على الرسم ومتابعة  فيديوهات تعليمية ، وعندي ثقة عالية بنفسي أنه راح أوصل لهدفي المنشود وأوصل مرحلة مستوى جـــــيد جداً ( طبعاً بعد التحدي أظل مستمرة إلى أن أوصل للأحترافية إلي حابة أوصل إلها ) .

آمـــــا عن الـ (10) الجاية عندي نية أن أنتقل  من مرحلة التدريب على التظليل ورســــم المجسمات إلى مرحلة رسم الـ ( still life ) .

وبنهاية مدونتي هذه حابة أمتن وأشكر الله على كل النعم والتسهيلات 🙏

وكل الشكر والأمتنان لـــ مرتضى لأن أنطانا من وقته ومجهوده وشجعنا نحقق فد هدف حابين نوصل اله 💓 

وممتنة وشاكرة لكل الرسامين الي ينشرون فيديوهات تعليم و أحتراف الرسم ( والي آني أستفاديت من دروسهم ) 💕.